27/06/2013 11:11:34

Në sy të Europës

nga Doriana Metollari

HermesNews - Largimi i Kryeministrit shqiptar nga qeverisja, është fillimi i një epoke të re në historinë e demokracisë-

Asnjë prej liderëve nuk mund t'i kishte idetë e qarta rreth asaj që duhej vendit pa kaluar këto vite tranzicioni, kaosi dhe betejash të rëndëisishme. Ishte çmimi që Shqipëria pagoi për rritjen e demokracisë së vet.

Dr. Sali Berisha, kryeministri im dhe i juaji, kryeminitsri i Partisë Socialisti dhe i liderit që pas disa ditësh merr vendin e tij, shoqëroi Shqipërinë në një prej periudhave më të rëndësishme, duke i dhënë një vizion, standard dhe një dëshirë për të përballuar sfida gjithnjë e më të mëdha. Sot u largua. Siç duhej të ishte ne fakt, e ndjeu, por siç tha vete, Shqipëria "kopështi i Europës Juglindore do të mbetet përherë prioriteti yne", pra një ëndërr për të nesërmen.

Në këtë autostradë ku ndodhej Shqipëria me dhe pa Berishën në krye, nuk ka humbës dhe as fitues. Ka progres, ka regres, por unë nuk do t'i kategoizoja këto në "ne ishim më të mirët" e ata "më të keqinjtë".

Eshtë koha e debateve kontruktive, mbi probleme që duhen të shihen si të tilla, jashtë ngjyrimit politik. Besoj se ky është momenti në të cilin shoqëria shqiptare mund të bëjë një hap cilësor, politike profesionale, kulturë të hapur në bashkëjetesë me minorancat dhe kundërshtarët.

Eshtë koha që qytetaria të punojnë mbi ligjet, jo hakmarrjet. Që edukimi për respektimin e rregullave të komunitetit të filloje që në kopësht. Që dëshirat për progres të jenë më të forta dhe të mposhtin frikën për të nesërmen.

Kjo është koha kur Shqipëria t'i thotë ''jo'' kaosit shoqëror sepse shkaktar i tij nuk ishte as Berisha as Rama apo parardhesit, shkaktar ishte ajo çfarë shqiptarëve iu dha të besohej se ishin.

Të shtypur.

Tani është koha që këtë zgjim ta përdorim jo për shikim pas, por drejt e në sy të Europës, dhe ky është një proçes që nuk përjashton askënd.

HermesNews - © 2013

Dërgo me email | Stampo artikullin